29-8-09

今日十點幾出門口,過左去skw,因為今日要去開戶口~~~
o係一波三折的情況下..終於都開左(中間等緊的時候,終於都見到傳說中的120,真係靚好多喎!!可惜未搞掂d野...上唔到...orzzz)
之後就去食安利,好味~~~食飽就出發去搭巴士過中環
今日去動植物公園~~行上去都幾甘ga bor~~仲要老婆唔舒服...真係呢...

幾經辛苦行到上去...好快就行晒lu....好似細個去o個時覺得好多野睇....但係而家就覺得來來去去都係得猩猩同馬騮....真係好快就行晒....
結果o係個噴水池度坐左好耐....坐到瞓著....結果留得最耐的地方竟然係呢樹.....

乜呢期咁多表演的機遇....
繼903之後...走o個時行過老蘭,有個鬼佬行埋黎叫我地幫佢手拍野....
係幫yahoo拍....哈哈~~~一聽到有300蚊...一個人....冇所謂啦~~~邊度都唔去都得喇~~~~!!呵呵
結果....搞左唔使半個鐘....咁就袋左600~~~yo~~!

之後就即刻諗住要豪一豪先~~過左黃埇食outback~~嗯~~好味~~~不過個燒牛肉太熟tim...同埋d牛好似都幾"鞋"...食飽晒之後就行返過紅磡走lu~~~

真係攰呢~~~

11-8-09

今日放o個時嚇左一跳~~無啦啦失驚無神,多左個人撲埋黎打劫咁~~!!哈哈~~~但係好開心
之後行多左陣apm,之後就返屋企食飯lu~~食完飯一齊睇下電視咁,幾寫意丫~~~

咁快就2個月了....好似好快咁~~
我會記得呢晚講過的野ga!!

14-8-09

掃舖掃到暈....好熱....港島的人係囂張d o既???講多句野都唔得ga....?算啦~~你入唔到平野ja
之後去左交表,仲見到吳彥祖...真係幾靚仔...

夜晚同二寶食飯,遲晒到tim.....食左個好好味的蠔仔粥!!

食完之後過返去搵老婆~~~哈哈~~~我的奸計估唔到咁快就被發現呢~~~

再之後夜晚返海龍同阿奶篤左3板波~~

今日真係多野做呢~~~

15-8-09

今日有太陽的時候主要做的野都係瞓....
到夜晚就出去4c/5c gathering喇~~~見到好多人,有d人真係o係街度見到都唔會知係邊個...哈哈~~~

我覺得最搞笑係廖子揚講返踩單車件事~~~~我真係好想笑....

蘇珊一d都冇變過...呢個係百分百一定會認得的人!!好誇張.....

之後十二點幾就差唔多散lu~~~整返張大合照之後就各散了~~~
跟手就又係去篤波~~今次一行有5人~~篤到4半呀....累死

中學同學聚會,好多人都係響全朵~~正!

7-8-09

今日去左好多地方,去香港公園啦~不過太遲了...睇唔到雀仔....

之後又去左太空館睇戲,有d悶tim......

行埋toyrus...之後食野~~9半先食野呢~~~哈哈~~~而家返到黎都仲飽呢.....

1-8-09

今日一早就去左考個保險試~~
9點1先到~~哈哈又遲到....不過都ok~~~一做完就知道pass唔pass

結果pass晒lu~~~唔通真係可以實現返幾年前想做的工作?!!

之後就過左去同埋曹操姐姐過mk,食埋野tim~~今日好開心~又有cake食lu~~~我本書真係冇買錯~wakakakaka

再跟手行埋去買冷~~呵呵~~我冇驚喜都唔緊要架,有的係期待嘛~~

之後諗住3點幾就出發同埋阿達,brenda北上,但係由於damon同iris的一貫作風....又要delay lu~~結果成5點先上到去...行呀行...食呀食(佢地)唔經唔覺好快就7點幾...之後篤波,食飯
今晚食o個間野真係好正~~叫巴蜀風,食川菜...不過真係就一定唔arm老婆lu....好在冇黎ja....唔係實冇啖好食呢~~但係二寶應該會食得好q開心~~

食飽晒,又去世外桃園....今次食到勁飽....所以咩都唔想浸...又咩都唔想焗....之後等左陣...就入房dup骨...今次真係好唔抵呀...出到黎...咩位都冇晒,冇得瞓喎!!!搞錯....

所以5點幾6點就落返黎lu~~但係走o個時又發生左件小插曲...條友自己找多左錢...到我地上晒車佢先話要我地返轉頭定唔知點樣俾佢...又講到亂晒咁....仲要慢駛....真係誇張....火都黎,佢追10蚊追到黎皇崗呀....真係...